கேரளாவில் ஓணம் பண்டிகையை முன்னிட்டு கேரளாவில் இருந்து பெங்களூருக்கு இன்று முதல் சிறப்பு ரயில்கள் இயக்கப்படும் என தெற்கு ரயில்வே அறிவித்துள்ளது. அதன்படி கேரள கொச்சுவேலி- பெங்களூரு சிறப்பு ரெயில் (06037) கொச்சுவேலி ரயில் நிலையத்தில் இருந்து இன்று மாலை 5 மணிக்கு புறப்பட்டு கொல்லம், காயங்குளம், மாவேலிக்கரை, செங்கனூர், திருவல்லா, கோட்டயம், எர்ணாகுளம், அலுவா, திருச்சூர், பாலக்காடு, கோவை, திருப்பூர், ஈரோடு வழியாக நாளை அதிகாலை 4.30 மணிக்கு சேலம் வந்தடையும்.
அதன் பின்னர் அங்கிருந்து 4.33 மணிக்கு புறப்பட்டு பங்காருபேட்டை, கிருஷ்ணராஜபுரம் வழியாக நாளை மறுநாள் காலை 10.10 மணிக்கு பெங்களூரு பையப்பனஹள்ளி ரயில் நிலையம் சென்றடையும். மறுமார்க்கத்தில் பெங்களூரு – கொச்சுவேலி சிறப்பு ரயில் (06038) பெங்களூரு பையப்பனஹள்ளி ரயில் நிலையத்தில் இருந்து நாளை பிற்பகல் 3 மணிக்கு புறப்பட்டு கிருஷ்ணராஜபுரம், பங்காருபேட்டை வழியாக இரவு 7.05 மணிக்கு சேலம் வந்தடையும். இங்கிருந்து 7.08 மணிக்கு புறப்பட்டு ஈரோடு, திருப்பூர், கோவை வழியாக நாளை மறுநாள் காலை 6.35 மணிக்கு கொச்சுவேலி சென்றடையும். இந்த ரயிலுக்கான முன்பதிவு இன்று காலை 8 மணி முதல் தொடங்குகிறது என அறிவிக்கப்பட்டுள்ளது.