இனி பிரபல சமூக ஊடகத்தை பயன்படுத்த வேண்டும் என்றால் 1600 ரூபாய் கட்டணம் செலுத்த வேண்டும்.
உலகில் உள்ள பணக்காரர்களில் முன்னிலையில் இருப்பவர் எலான்மஸ்க் . இவர் கடந்த சில நாட்களுக்கு முன்பு பிரபல சமூக ஊடக நிறுவனமான டுவிட்டரை வாங்கினார். இதனைத் தொடர்ந்து அவர் உரிமையாளராக பல்வேறு அதிரடி நடவடிக்கைகளை எடுத்து வருகிறார். இந்நிலையில் அரசியல் தலைவர்கள் மற்றும் பிரபலங்கள் தங்களின் அதிகாரப்பூர்வ டுவிட்டர் கணக்குகளில் புளூ டிக் பயன்படுத்துகின்றனர். இந்த டுவிட்டர் கணக்கு அவர்களுடைய அதிகாரப்பூர்வத் கணக்கு தான் என்பதை உறுதிப்படுத்திக் கொள்ள டுவிட்டர் தளத்தில் பெயருக்கு அருகில் நீல நிற புளூ டிக் குறியீடு குறிப்பிடப்பட்டிருக்கும். இதன் மூலம் பயனர்கள் பல்வேறு அம்சங்களை பயன்படுத்திக் கொள்ளலாம். இந்த நிலையில் பயனாளர்கள் மாதந்தோறும் 1,600 ரூபாய் வரை கட்டணம் செலுத்த வேண்டும் என தகவல் வெளியாகியுள்ளது.
இதுகுறித்து அமெரிக்க நாவலாசிரியரான ஸ்டீபன் சிங் தனது டுவிட்டர் பதிவில். ஒரு புளூ டிக்கிற்கு 20 அமெரிக்க டாலர்கள் செலுத்த வேண்டுமா? அப்படி என்றால் நீங்கள் தான் அதற்கு பணம் தர வேண்டும் என கூறியிருந்தார். இதனை பார்த்த எலான் மஸ்க் பதில் அளித்துள்ளார். அதில் நாங்களும் கட்டணம் செலுத்த வேண்டும். ஏனென்றால் விளம்பரதாரர்களை மட்டுமே நிறுவன முழுமையாக நம்பி இருக்க முடியாது. 8 டாலர் என்றால் நீங்கள் செலுத்துவீர்களா என கேள்வி எழுப்பியுள்ளார்.