புஷ்பா திரைப்படத்தில் பாடல் ஒன்றுக்கு நடனம் ஆடியது குறித்து சமந்தா பேட்டி ஒன்றில் கூறியுள்ளார்.
தமிழ் மற்றும் தெலுங்கு சினிமாவில் முன்னணி நடிகையாக வலம் வருபவர் சமந்தா. இவர் பல முன்னணி நடிகர்களுடன் இணைந்து நடித்துள்ளார். இவர் 2017ஆம் வருடம் நடிகர் நாக சைதன்யாவை காதலித்து திருமணம் செய்து கொண்டார். பின் சில கருத்து வேறுபாடு காரணமாக இருவரும் சென்ற வருடம் விவாகரத்து செய்தனர். விவாகரத்துக்குப் பிறகு சமந்தா எது செய்தாலும் அனைவரும் கவனித்து வருகின்றனர். விவாகரத்துக்குப் பிறகு திரைப்படங்களில் அதிக கவனத்தை செலுத்தி வருகின்றார் சமந்தா.
அண்மையில் வெளியான புஷ்பா திரைப்படத்தில் ஒரு பாடலுக்கு இவர் நடனமாடியது அனைவரையும் கவர்ந்து செம்ம ஹிட்டாகி உள்ளது. இந்நிலையில் சமந்தா ஒரு பேட்டியில் கூறியுள்ளதாவது, “புஷ்பா படத்தில் ஒரு பாடலுக்கு நடனம் ஆடியது இந்த அளவிற்கு ரீச் ஆகும் என நான் எதிர்பார்க்கவே இல்லை. இப்பாடலுக்கு ரசிகர்கள் அளித்த ஆதரவுக்கு எனது மனமார்ந்த நன்றிகளைத் தெரிவித்துக்கொள்கிறேன்” என கூறியுள்ளார். இவர் தற்போது நடித்துள்ள “காத்துவாக்குல இரண்டு காதல்” திரைப்படம் கூடிய விரைவில் ரிலீஸ் ஆக இருப்பது குறிப்பிடத்தக்கது.