மருத்துவப் பட்டப் படிப்புகளில் 50 சதவிகித ஓபிஎஸ் இட ஒதுக்கீட்டில் உச்சநீதிமன்ற தீர்ப்பு அதிர்ச்சி அளிப்பதாக மார்க்சிஸ்ட் கம்யூனிஸ்ட் கட்சியின் மாநில செயலாளர் திரு. கே பாலகிருஷ்ணன் தெரிவித்துள்ளார்.
திரு. கே பாலகிருஷ்ணன் இன்று வெளியிட்டுள்ள அறிக்கையில் டிஜிட்டல் யுகத்தில் விண்ணப்பங்களை பெற்று தொடர் நடவடிக்கைகள் நடந்துள்ள நிலையில் இந்த ஆண்டே பிற்படுத்தப்பட்டோருக்கான இட ஒதுக்கீட்டை அமல்படுத்த முடியாது என்று சொல்வதை ஏற்றுக்கொள்ள முடியாது என குறிப்பிட்டுள்ளார்.
மத்திய பாஜக அரசு தாக்கல் செய்த பிரமாண வாக்குமூலத்தை உச்சநீதிமன்றம் அப்படியே ஏற்றுக்கொண்டு இருப்பதாக தெரிவித்துள்ள அவர் சமூகநீதிக்கு எதிரான நிலைப்பாட்டை மத்திய பாஜக அரசு அதிகாரத்தை பயன்படுத்தி செயல்படுத்தியதன் மூலம் தமிழக பிற்படுத்தப்பட்ட மாணவர்களுக்கு பெரும் துரோகம் இழைத்து இருக்கிறது என தெரிவித்துள்ளார்.