நவம்பர் மாதத்தில் நம் நாட்டின் மொத்த நிலக்கரி உற்பத்தி 7.587 கோடி டன்னாக அதிகரித்து இருக்கிறது. கடந்த வருடம் 6.794 கோடி டன்னாக இருந்த நிலக்கரி உற்பத்தியானது இந்த ஆண்டு 11.66 % அதிகரித்து உள்ளது. இதுகுறித்து நிலக்கரி அமைச்சகம் வெளியிட்டுள்ள அறிக்கையில் இருப்பதாவது, நவம்பர் மாதத்தில் இந்திய நிலக்கரி நிறுவனத்தின் உற்பத்தி 12.82 % அதிகரித்து இருக்கிறது.
சிங்கரேணி காலியரீஸ் நிறுவனம் மற்றும் பிற கேப்டிவ் சுரங்கங்களின் உற்பத்தி முறையே 7.84% மற்றும் 6.87% அதிகரித்துள்ளது. அதேபோல் 37 சுரங்கங்களில் 24 சுரங்கங்கள் 100 சதவீதத்துக்கும் அதிகமாக உற்பத்தி செய்துள்ளது. அத்துடன் 5 சுரங்கங்கள் 80 -100 % வரை உற்பத்தி செய்துள்ளது. கடந்த வருடம் நவம்பரில் 6.020 கோடி டன்களாக இருந்த மின் பயன்பாடுகள் இந்த நவம்ர் மாதத்தில் 3.55 % அதிகரித்து 6.234 கோடி டன்களாக இருக்கிறது.