பிரபல இயக்குனர் மீது நடிகர் விஜய் சேதுபதி அதிருப்தியில் இருப்பதாக தகவல்கள் வெளியாகியுள்ளது.
தமிழ் சினிமாவில் பன்முக வேடங்களில் நடித்து தனக்கென தனித்துவமான இடத்தை பிடித்திருப்பவர் நடிகர் விஜய் சேதுபதி. இவர் இயக்குனர் விக்னேஷ் சிவன் இயக்கத்தில் காத்துவாக்குல 2 காதல் திரைப்படத்தில் நடித்து முடித்துள்ளார். இந்த படத்தில் நடிகை நயன்தாரா மற்றும் சமந்தா ஆகிய 2 பேரும் நாயகிகளாக நடித்துள்ளனர். இந்நிலையில் சமீபத்தில் விஜய் சேதுபதி நடித்த சில படங்கள் தோல்வியை சந்தித்த நிலையில் காத்துவாக்குல 2 காதல் திரைப்படம் வெற்றி பெறும் என்ற நம்பிக்கையில் இருக்கிறார்.
தற்போது விஜய் சேதுபதி காத்துவாக்குல 2 காதல் திரைப்படத்திற்காக இயக்குனர் விக்னேஷ் சிவனுக்கு அதிக நாள் கால்ஷீட் கொடுத்துள்ளார். ஆனால் இயக்குனர் குறிப்பிட்ட காலத்துக்குள் திரைப்படத்தை முடிக்காமல் நீண்டநாள் எடுத்துள்ளதாக கூறப்படுகிறது. இதனால் நடிகர் விஜய் சேதுபதி விக்னேஷ் சிவன் மீது கோபத்தில் இருப்பதாக தகவல்கள் பரவி வருகிறது. ஆனால் இந்த தகவல்களில் எந்த அளவுக்கு உண்மை இருக்கிறது என்பது தெரியவில்லை. மேலும் காத்துவாக்குல 2 காதல் திரைப்படம் வருகிற ஏப்ரல் 28-ம் தேதி ரிலீசாகிறது.