இருசக்கர வாகனத்தை திருடிய குற்றத்திற்காக ஒருவரை காவல்துறையினர் கைது செய்துள்ளனர்.
மயிலாடுதுறை மாவட்டத்திலுள்ள ஓம்சக்தி நகர் குட்டியாவெளி தெருவில் ரமேஷ் என்பவர் வசித்து வருகிறார். இவர் சாலையோரத்தில் தனது இருசக்கர வாகனத்தை நிறுத்திவிட்டு கடைக்கு சென்றுள்ளார். அதன்பின் திரும்பி வந்து பார்த்தபோது அவரது இருசக்கர வாகனம் அங்கு இல்லை. இதனால் அதிர்ச்சியடைந்த ரமேஷ் காவல்நிலையத்தில் புகார் அளித்துள்ளார்.
அதன்படி காவல்துறையினர் நடத்திய விசாரணையில் இருசக்கர வாகனத்தை திருடியது பொன்மணி என்பது தெரியவந்தது. இதனையடுத்து பொன்மணி மீது வழக்கு பதிவு செய்த காவல்துறையினர் அவரை கைது செய்து சிறையில் அடைத்தனர்.