மளிகை கடையில் கொள்ளையடித்து சென்ற மர்ம நபர்களை காவல்துறையினர் வலைவீசி தேடி வருகின்றனர்.
திருநெல்வேலி மாவட்டத்திலுள்ள இடையன்குடி அருள் நகரில் உதயகுமார் என்பவர் வசித்துவருகிறார். இவர் சொந்தமாக மளிகை கடை நடத்தி வருகிறார். இந்நிலையில் உதயகுமார் காலை நேரத்தில் கடையை திறப்பதற்காக சென்றுள்ளார். அப்போது கடையின் மேற்கூரை உடைக்கப்பட்டு இருந்ததை கண்டு உதயகுமார் அதிர்ச்சி அடைந்தார்.
மேலும் கல்லாவில் இருந்த 50 ஆயிரம் ரூபாய் பணம், 40 ஆயிரம் ரூபாய் மதிப்புள்ள சிகரெட் போன்றவற்றை மர்ம நபர்கள் திருடிச் சென்றது தெரியவந்துள்ளது. இதுகுறித்து உதயகுமார் காவல் நிலையத்தில் புகார் அளித்துள்ளார். அந்த புகாரின்பேரில் வழக்குப்பதிவு செய்த காவல்துறையினர் மர்மநபர்களை வலைவீசி தேடி வருகின்றனர்.