கடைக்கு வந்த வாலிபர்கள்…. உரிமையாளருக்கு நடந்த கொடுமை…. விசாரணையில் தெரிந்த உண்மை…!!

மளிகை கடைக்காரரை கத்தியால் குத்திய குற்றத்திற்காக 2 வாலிபர்களை காவல்துறையினர் கைது செய்துள்ளனர்.

சென்னை மாவட்டத்திலுள்ள புரசிவாக்கம் சுந்தரம் தெருவில் பாலகிருஷ்ணன் என்பவர் வசித்து வருகிறார். இவர் தனது வீட்டின் முன்பு மளிகை கடை நடத்தி வருகிறார். இந்நிலையில் பாலகிருஷ்ணனின் கடைக்கு பொருட்கள் வாங்குவதற்காக வந்த 3 வாலிபர்கள் திடீரென அவருடன் தகராறில் ஈடுபட்டுள்ளனர். இதனையடுத்து அந்த வாலிபர்கள் பாலகிருஷ்ணனை கத்தியால் குத்தி விட்டு அங்கிருந்து தப்பி சென்றனர். இதனால் காயமடைந்த பாலகிருஷ்ணனை அருகில் உள்ளவர்கள் மீட்டு மருத்துவமனையில் சிகிச்சைக்காக அனுமதித்தனர். அங்கு அவருக்கு தீவிர சிகிச்சை அளிக்கப்பட்டு வருகிறது.

இது குறித்து வழக்குப்பதிவு செய்த காவல்துறையினர் நடத்திய விசாரணையில் கடந்த சில நாட்களுக்கு முன்பு தனது கடைக்கு அருகே புகை பிடித்து கொண்டிருந்த மூன்று வாலிபர்களை பாலகிருஷ்ணன் கண்டித்துள்ளார். இதற்கு பழிவாங்கும் நோக்கத்தோடு அந்த வாலிபர்கள் பாலகிருஷ்ணனை கத்தியால் குத்திவிட்டு தப்பி சென்றது தெரியவந்துள்ளது. இதனையடுத்து கிருஷ்ணகுமார் மற்றும் நிர்மல்குமார் ஆகிய 2 பேரை காவல்துறையினர் கைது செய்துள்ளனர். மேலும் தலைமறைவாக இருக்கும் 17 வயது சிறுவனை காவல்துறையினர் தீவிரமாக தேடி வருகின்றனர்.