டைரக்டர் செல்லா அய்யாவு இயக்கத்தில் நடிகர் விஷ்ணு விஷால் நடித்திருக்கும் படம் “கட்டா குஸ்தி”. இந்த படத்தில் நடிகை ஐஸ்வர்யா லட்சுமி கதாநாயகியாக நடித்து உள்ளார். இத்திரைப்படம் தமிழ், தெலுங்கு ஆகிய இரண்டு மொழிகளில் உருவாகியுள்ளது. இப்படத்துக்கு ஜஸ்டின் பிரபாகரன் இசை அமைத்திருக்கிறார்.
கடந்த டிசம்பர் 2 ஆம் தேதி இப்படம் திரையரங்குகளில் வெளியாகி 25 நாட்களை கடந்து வெற்றிகரமாக ஓடிக் கொண்டிருக்கிறது. இந்த நிலையில் இப்படத்தின் ஓடிடி ரிலீஸ் பற்றிய தகவல் வெளியாகி இருக்கிறது. அந்த அடிப்படையில் இப்படம் வரும் ஜனவரி 1 ஆம் தேதி நெட்பிளிக்ஸ் ஓடிடி தளத்தில் வெளியாக இருப்பதாக கூறப்படுகிறது.