சாலையில் சென்றுகொண்டிருந்த கார் கட்டுபாட்டை இழந்து விபத்திற்குள்ளானதில் இளைஞர் உயிரிழந்த நிலையில் 4 பேர் படுகாயமடைந்துள்ளனர்.
ராமநாதபுரம் மாவட்டம் ராமேஸ்வரம் பகுதியில் புகாரி என்பவர் வசித்து வந்துள்ளார். இவர் தனது நன்பர்காளாக அபிமன்யு, சேசாங், சிவாங்தியாகி, வேப்பூ ஆகியோருடன் காரில் சென்று கொண்டிருந்துள்ளார். இந்நிலையில் புகாரி காரை ஓட்டிய நிலையில் ராமேஸ்வரம் மெய்யும்புளி பகுதியில் சென்று கொண்டிருந்தபோது கார் திடீரென கட்டுப்பாட்டை இழந்துள்ளது. இதனையடுத்து அந்த கார் சாலையோரம் நின்றுகொண்டிருந்த தண்ணீர் லாரி மீது மோதி தலைகீழாக கவிழ்ந்துள்ளது.
இந்த கோர விபத்தில் காருக்குள் இருந்த அபிமன்யு சம்பவ இடத்திலேயே உடல்நசுங்கி பரிதாபமாக உயிரிழந்துள்ளார். இதனைதொடர்ந்து படுகாயமடைந்த இளைஞர்களை அப்பகுதி வழியாக சென்றவர்கள் மீட்டு ராமநாதபுரம் அரசு மருத்துவமனைக்கு அனுப்பி வைத்துள்ளனர். மேலும் இதுகுறித்து தகவலறிந்து சென்ற காவல்துறையினர் வழக்குபதிவு செய்து விசாரணை மேற்கொண்டு வருகின்றனர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.