மனைவி பிரிந்து சென்றதால் வாலிபர் தற்கொலை செய்து கொண்ட சம்பவம் சோகத்தை ஏற்படுத்தியுள்ளது.
விருதுநகர் மாவட்டத்திலுள்ள கீழ்திருத்தங்கல் முருகன் காலனியில் ரவி என்பவர் வசித்து வருகிறார். இவருக்கு மாரீஸ்வரன்(25) என்ற மகன் இருந்துள்ளார். கடந்த 5 ஆண்டுகளுக்கு முன்பு மாரீஸ்வரனுக்கு ராஜேஸ்வரி என்பவருடன் திருமணம் நடைபெற்றுள்ளது. இந்த தம்பதியினருக்கு 2 குழந்தைகள் இருக்கின்றனர். இந்நிலையில் கணவன் மனைவிக்கு இடையே ஏற்பட்ட கருத்து வேறுபாடு காரணமாக ராஜேஸ்வரி தனது பெற்றோர் வீட்டிற்கு சென்றுவிட்டார்.
இதனால் மன உளைச்சலில் இருந்த மாரீஸ்வரன் மது குடித்துவிட்டு தனது வீட்டில் தூக்கிட்டு தற்கொலை செய்துள்ளார். இதுகுறித்து அறிந்த போலீசார் சம்பவ இடத்திற்கு விரைந்து சென்று மாரீஸ்வரனின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இந்த சம்பவம் குறித்து வழக்கு பதிவு செய்த போலீசார் விசாரணை மேற்கொண்டு வருகின்றனர்.