மறைந்த முன்னாள் மத்திய அமைச்சர் கேப்டன் சதீஷ் சர்மாவின் இறுதி சடங்கில் ராகுல் காந்தி அவரது உடலை சுமந்து சென்றார்.
ஆந்திர மாநிலத்தை சேர்ந்த காங்கிரஸ் கட்சியின் மூத்த தலைவர் கேப்டன் சதீஷ் ஷர்மா மத்திய பெட்ரோலியத் துறை அமைச்சராக பதவி வகித்தவர். அவர் மறைந்த முன்னாள் பிரதமர் ராஜீவ் காந்தியின் நெருங்கிய நண்பர். புற்றுநோயால் அவதிப்பட்டு வந்த அவர் கடந்த 2 நாட்களுக்கு முன்பு கோவாவில் உயிரிழந்தார். அவரின் உடல் இறுதி சடங்கு செய்வதற்காக டெல்லி கொண்டு வரப்பட்டது. அங்கு காங்கிரஸ் உள்ளிட்ட கட்சிகளை சேர்ந்த பல அரசியல் பிரமுகர்கள் அனைவரும் அவருக்கு அஞ்சலி செலுத்தினர்.
அதன்படி கட்சி நிர்வாகி மறைவுச் செய்தியைக் கேட்டு துடித்துப் போன ராகுல் காந்தி, உடனே நேரடியாகச் சென்று கண்ணீர் மல்க அஞ்சலி செலுத்தினார். அதன் பிறகு அவரது உடலை சுமந்து சென்று தனது இறுதி கடமையை செய்தார். சமூக வலைதளங்களில் வெளியாகியுள்ள இந்த புகைப்படத்தை பார்த்து பலரும் நெகிழ்ச்சியான கருத்துக்களை பதிவிட்டு வருகின்றனர்.