“கண் திருஷ்டியால் தான் விபத்து நடந்துச்சு”….. ஆட்டுக்குட்டியுடன் வந்த உறவினர்கள்…. ஒசூர் மருத்துவமனையில் பரபரப்பு…!!!!

விபத்தில் காயமடைந்த இளைஞருக்கு திருஷ்டி கழிக்க ஆட்டுக்குட்டியுடன் உறவினர்கள் மருத்துவமனைக்கு வந்ததால் பரபரப்பு ஏற்பட்டது.

கிருஷ்ணகிரி மாவட்டத்திலுள்ள ஓசூர் அருகே இருக்கும் கொத்தப்பள்ளி கிராமத்தை சேர்ந்த முருகன் என்பவர் சென்ற 25ஆம் தேதி தனது சகோதரியுடன் மோட்டார் சைக்கிளில் சென்று கொண்டிருந்த பொழுது எதிர்பாரா விதமாக பேரண்டப்பள்ளி பகுதியில் இரண்டு பேரும் தவறி விழுந்து பலத்த காயமடைந்தார்கள். முருகன் சிகிச்சைக்காக அரசு மருத்துவமனையில் அனுமதிக்கப்பட்டார்.

இந்நிலையில் முருகனின் உறவினர்கள் கண் திருஷ்டி காரணமாகவே விபத்தில் முருகன் சிக்கியதாக எண்ணி நேற்று முன்தினம் அவர்கள் மருத்துவமனைக்கு வெள்ளை குட்டியாட்டுடன் வந்து அவர்களின் குல வழக்கப்படி ஆட்டுக்குட்டியை சுற்றி முருகனுக்கு திருஷ்டி கழித்தார்கள். இதனால் மருத்துவமனையில் சிறிது நேரம் பரபரப்பு ஏற்பட்டது. இதையடுத்து விபத்து நடந்த இடத்தில் முருகனின் உறவினர்கள் பூஜை செய்தார்கள். மேலும் ஆட்டுக்குட்டியை தென்பெண்ணை ஆற்றங்கரை ஓரமாக பலி கொடுத்தார்கள்.