எதிரி நாடுகளை கதிகலங்க வைக்கும் வகையில் மரண பயம் கொண்ட புதிய ஆயுதம் ஒன்றை சீனா வடிவமைத்துள்ளது.
உலகில் உள்ள எதிரி நாடுகள் அனைத்திற்கும் மரண பயத்தை காட்டக்கூடிய வகையில் புதிய ஆயுதம் ஒன்றை சீனா காணொளி வடிவில் வெளியிட்டுள்ளது. அந்த ஆயுதம் லாரி ஒன்றில் பொருத்தப்பட்டுள்ளது. மேலும் ஆளில்லா குட்டி விமானங்களை இயக்கும் வகையில் வடிவமைக்கப்பட்டிருக்கிறது. குட்டி விமானங்கள் போர் முனையில் இருக்கும் அந்த வெடிகுண்டுகள், எதிரி நாடுகளின் ராணுவ டாங்கிகள் அல்லது ராணுவ முகாம்கள் மீது குறிவைத்து தாக்குதல் நடத்தும் என்று கூறப்பட்டு வருகிறது.
அந்தக் கொடூர ஆயுதத்தை ஹெலிகாப்டர் மூலமாக எங்கு வேண்டுமானாலும் எடுத்துச் செல்லலாம் என்ற சிறப்பைப் பெற்றுள்ளது. சீனா, தனக்கு எதிராக போர் தொடுக்க தற்போது ராணுவ பயிற்சியை எடுத்து வருகிறது. அதற்காகவே இந்த புதிய ஆயுதத்தை அறிமுகம் செய்துள்ளது. மேலும் ஒரே சமயத்தில் 48 ஆயுதம் தாங்கிய ஆளில்லா குட்டி விமானத்தை அதன் மூலம் ஏவ முடியும் என்று கூறப்படுகிறது. ஒவ்வொரு குட்டி விமானமும் மிகப்பெரிய பேரழிவை ஏற்படுத்தக்கூடிய ஆயுதத்துடன் ஏவப்படுகிறது.
அதனால் கண்ணிமைக்கும் பொழுதில் மிகப்பெரிய பேரழிவு ஏற்படும். அதே சமயத்தில் 40 நிமிடங்கள் வரையில் வானத்தில் பறந்து குறிப்பிட்ட இலக்கை எட்டும் வகையில் அந்த புதிய ரக ஆயுதம் உருவாக்கப்பட்டுள்ளது. அந்தக் கதிகலங்க வைக்கும் ஆயுதம் ஒரு ராணுவ வீரரால் கண்காணிக்கப்பட்டு கட்டுப்படுத்தப்படுவதாக தெரிவிக்கப்பட்டுள்ளது.