உதவி இயக்குனரான பொன்குமார் இயக்கிய படத்தை தனது குருவான ஏ.ஆர் முருகதாஸ் தாயரிக்க உள்ளார்.
இயக்குனர் ஏ.ஆர் முருகதாஸ் தமிழ் சினிமாவில் முன்னணி இயக்குனராக விளங்குகிறார். அதோடு மட்டுமல்லாமல் தயாரிப்பாளராகவும் நட்சத்திரங்களுக்கு வாய்பளித்து வருகிறார். இந்நிலையில் தனது உதவி இயக்குனரான பொன்குமார் இயக்கும் படத்தை ஏஆர் முருகதாஸ் தயாரிக்க இருக்கிறார். இப்படத்தில் நடிகர் கௌதம் கார்த்திக் ஹீரோவாக நடிக்கிறார். மேலும் இயக்குனர் பொன்குமார் கூறிய கதை பிடித்ததால் உடனடியாக தயாரிக்க ஒப்புக்கொண்டுள்ளார் ஏ.ஆர் முருகதாஸ்.
இதனைத்தொடர்ந்து இப்படம் குறித்த அதிகாரப்பூர்வமான அறிவிப்பு விரைவில் வெளியாகும் என தகவல்கள் வெளியாகியுள்ளது. இப்படத்தில் ஹீரோயினாக புதுமுக நடிகை ஒருவர் நடிக்க உள்ளார். இப்படத்தின் படப்பிடிப்பு விரைவில் தொடங்கும் என கூறப்படுகிறது. மேலும் ஏ.ஆர் முருகதாஸ் கௌதம் கார்த்திக்கை வைத்து ஏற்கனவே ரங்கூன் படத்தை தயாரித்துள்ளார் என்பது குறிப்பிடத்தக்கது. தற்போது ஏ.ஆர் முருகதாஸ் அனிமேஷன் படம் ஒன்றை இயக்கி வருகிறார். இந்தப்படத்தை சோனி பிக்சர்ஸ் நிறுவனத்துடன் இணைந்து தயாரிக்கிறார்.