கந்துவட்டி பிரச்சினையால் பாதிக்கப்பட்டவர்கள் உடனடியாக காவல் நிலையத்தில் புகார் கொடுக்கலாம் என டி.எஸ்.பி கூறியுள்ளார்.
தமிழகத்தில் கந்துவட்டி பிரச்சனையை தடுக்கும் விதமாக கடந்த 7-ஆம் தேதி ஆப்ரேஷன் கந்து வட்டி என்ற திட்டம் தொடங்கப்பட்டு கந்து வட்டி கொடுமைகளுக்கு எதிரான நடவடிக்கைகள் எடுக்கப்பட்டு வருகிறது. அந்த வகையில் கடந்த மாதம் கிருஷ்ணகிரி மாவட்டத்திலுள்ள டி.எஸ்.பி அலுவலகங்கள் மற்றும் காவல்நிலையங்களில் கந்து வட்டியால் பாதிக்கப்பட்டவர்களிடமிருந்து மனுக்கள் பெறப்பட்டது.
இந்நிலையில் பூசாரிபட்டி கிராமத்தைச் சேர்ந்த பழனி என்பவர் தான் கந்து வட்டியால் பாதிக்கப்பட்டதாக கூறி உரிய ஆவணங்களை சமர்ப்பித்து காவல்துறையில் புகார் கொடுத்தார். அந்தப் புகாரின்படி கோவிந்த சிங் என்பவரின் வீட்டில் சோதனை நடத்தப்பட்டு உரிய ஆவணங்கள் பறிமுதல் செய்யப்பட்டு நீதிமன்றத்தில் ஒப்படைக்கப்பட்டது. இதனால் கந்து வட்டியால் யாரேனும் பாதிக்கப்பட்டிருந்தால் அவர்கள் காவல்துறையில் அல்லது டிஎ.ஸ்.பி அலுவலகங்களில் புகார் கொடுக்கும் பட்சத்தில் உரிய நடவடிக்கை எடுக்கப்படும் என டி.எஸ்.பி கூறியுள்ளார்.