தமிழ் திரையுலகில் முன்னணி நடிகராக வலம் வருபவர் சந்தானம். இவர் தமிழில் வல்லவனுக்கு புல்லும் ஆயுதம் என்ற படத்தின் மூலம் கதாநாயகனாக மாறினார். அதைத்தொடர்ந்து இனிமே இப்படித்தான், தில்லுக்குதுட்டு, சக்க போடு போடு ராஜா, டகால்டி, சபாபதி உள்ளிட்ட பல படங்களில் கதாநாயகனாக நடித்துள்ளார். தற்போது ஏஜென்ட் கண்ணாயிரம், குளுகுளு ஆகிய படங்களில் நடித்து வருகிறார்.
குளுகுளு படத்தை மேயாதமான், ஆடை போன்ற படங்களை இயக்கிய ரத்ன குமார் இயக்குகிறார். அதுமட்டுமில்லாமல் முன்னணி நடிகர்களின் படங்களில் நகைச்சுவை வேடங்களில் நடிக்கவும், சந்தானத்துக்கு அழைப்பு விடுக்கப்பட்டு வருகிறது. ஆனால் கதாநாயகனாக தான் நடிப்பேன் என்று கூறி வருகிறார். தற்போது கன்னட படமொன்றில் சந்தானம் நடிக்க உள்ளதாக தகவல் கிடைத்துள்ளது. இந்த படத்தை டைரக்டர் பிரசாந்த் ராஜ்குமார் இயக்குகிறார். இதற்கான வேலைகள் தொடங்கியுள்ளதாகவும், இந்த படத்தை தமிழிலும் வெளியிட திட்டமிட்டுள்ளதாக தெரிவித்துள்ளனர்.