கமலின் விக்ரம் திரைப்படம் ஐஎம்டிபி தரவரிசை பட்டியலில் முதலிடம் பிடித்து சாதனை படைத்துள்ளது.
தமிழ் சினிமா உலகில் ஒரு சில திரைப்படங்களை மட்டுமே இயக்கி முன்னணி இயக்குனராக வலம் வருகின்றார் லோகேஷ் கனகராஜ். கைதி திரைப்படத்தின் மூலம் அறிமுகமான லோகேஷ் கனகராஜ் தற்போது கமலின் விக்ரம் திரைப்படத்தை இயக்கியுள்ளார். லோகேஷ் கனகராஜ் கமலின் தீவிர ரசிகர். இத்திரைப்படத்தில் சூர்யா கெஸ்ட் ரோலில் நடித்து இருக்கின்றார். இப்படத்தை உதயநிதியின் ரெட் ஜெயண்ட் மூவிஸ் தயாரித்தது.
இந்நிலையில் படம் சென்ற ஜூன் 3-ம் தேதி வெளியாகி ரசிகர்களிடையே நல்ல வரவேற்பு பெற்றது. இத்திரைப்படம் முழுக்க முழுக்க லோகேஷ் கனகராஜ் படமாக இருக்கின்றது. கதாபாத்திரங்கள் தேர்வு, ஸ்கிரீன்பிளே, ஆக்சன் காட்சிகள் என அனைத்திலும் லோகேஷ் கனகராஜ் ஆதிக்கம் இருக்கின்றது. இத்திரைப்படம் சர்வதேச தரத்தில் இருப்பதாக பாராட்டுகள் குவிந்தது. லோகேஷ் ஒவ்வொரு கதாபாத்திரங்களையும் செதுக்கியிருப்பதாக அவருக்கு பாசிட்டிவான கமெண்ட்டுகள் குவிந்தது.
இந்த நிலையில் விக்ரம் திரைப்படம் சாதனை படைத்து வருகின்றது. இந்த வருடத்திற்கான சிறந்த படங்களின் IMDB பட்டியலில் இந்திய திரைப்படங்களிலேயே முதல் இடத்தை விக்ரம் திரைப்படம் பிடித்துள்ளது. இரண்டாம் இடத்தை கேஜிஎப் திரைப்படமும் ஐந்தாம் இடத்தை ஆர் ஆர் ஆர் திரைப்படமும் இடம்பெற்றுள்ளது. இது ரசிகர்கள் இடையே மகிழ்ச்சியை ஏற்படுத்திருக்கிறது.