லோகேஷ் கனகராஜ் இயக்கத்தில் கமல்ஹாசன் நடிப்பில் வெளியான திரைப்படம் விக்ரம். இந்த படம் ரசிகர்கள் மத்தியில் அமோக வரவேற்பை பெற்றது. இப்படத்தில் விஜய் சேதுபதி, பகத் பாசில், சூர்யா உள்ளிட்ட பல நடிகர்கள் நடித்துள்ளனர். விக்ரம் திரைப்படம் சென்னையில் முதல் நாளில் 1.70 கோடி வசூல் செய்தது. தமிழ்நாட்டில் மட்டும் 25 கோடி வசூல் செய்தது.
இந்தியாவில் 40 கோடியும், உலக அளவில் 50 கோடி வசூல் செய்தது. உலக அளவில் முதல் மற்றும் இரண்டு நாட்கள் சேர்த்து 100 கோடி வசூல் செய்ததாக கூறப்பட்டிருந்தது. இந்நிலையில் மூன்றாவது நாட்களான இன்று உலக அளவில் 150 கோடி வசூல் செய்து சாதனை படைத்துள்ளது.
கமலின் ‘விக்ரம்’ படத்தில் ரோலக்ஸ் கேரக்டரில் நடிக்க சூர்யா வாங்கிய சம்பளம் எவ்வளவு என்பது குறித்து தகவல் வெளியாகி உள்ளது. இப்படத்தில் ஐந்து நிமிடங்களே வரும் காட்சியில் நடிப்பதற்காக ஒரு நாள் செலவழித்த சூர்யா எந்தவித சம்பளமும் வாங்கவில்லை என்று தகவல்கள் வெளியாகியுள்ளது.