இயக்குனர் சங்கர் இயக்கத்தில் கமல்ஹாசன் இரட்டை வேடத்தில் நடித்திருந்த திரைப்படம் இந்தியன் இந்த படம் ரசிகர்களிடையே மிகுந்த வரவேற்பை பெற்றுள்ளது. இதனை தொடர்ந்து 25 வருடங்களுக்கு பின் தற்போது மீண்டும் சங்கர் இயக்கத்தில் இந்தியன் படம் இரண்டாம் பாகம் உருவாகிக்கொண்டிருக்கிறது. இந்த படத்தில் கமலுடன் இணைந்து சமுத்திரகனி, பாபி சிம்கா, காஜல் அகர்வால், சித்தார்த், ராகுல் ப்ரீத் சிங், பிரியா பவானி சங்கர் உள்ளிட்ட பல முன்னணி நட்சத்திரங்கள் முக்கிய கதாபாத்திரங்களில் நடித்து வருகின்றனர். லைக்கா நிறுவனம் தயாரித்திருக்கும் இந்த படத்திற்கு அனிருத் இசையமைக்க இருக்கின்றார்.
இந்த நிலையில் இந்த படத்தின் படப்பிடிப்பு விறுவிறுப்பாக நடைபெற்றுக் கொண்டிருக்கிறது அதனை தொடர்ந்து சங்கர் நடிகர் ராம்சரண் நடிக்கும் ஆர்சி 15 படத்தையும் இயக்கிக் கொண்டிருக்கிறார். இந்த சூழலில் இந்த மாத இறுதியில் இந்தியன் 2 படத்தின் படப்பிடிப்பை தொடங்கும் சங்கர் அடுத்த மாதம் இறுதியில் படப்பிடிப்பை முடிக்க இருப்பதாக கூறப்படுகிறது. அதன்பின் ராம்சரண் படத்தின் படப்பிடிப்பை மீண்டும் தொடங்க இருப்பதாகவும் அந்த படத்தின் பாடல் காட்சிகள் நியூசிலாந்தில் படமாக்கப்பட இருப்பதாகவும் தகவல்கள் வெளியாகி இருக்கிறது.