சூர்யாவுக்கு வழங்கப்பட்ட ரோலக்ஸ் வாட்சை கமல் தான் நடித்த திரைப்படத்தில் பயன்படுத்தியுள்ளார்.
தமிழ் சினிமா உலகில் ஒரு சில திரைப்படங்களை மட்டுமே இயக்கி முன்னணி இயக்குனராக வலம் வருகின்றார் லோகேஷ் கனகராஜ். கைதி திரைப்படத்தின் மூலம் அறிமுகமான லோகேஷ் கனகராஜ் தற்போது கமலின் விக்ரம் திரைப்படத்தை இயக்கியுள்ளார். லோகேஷ் கனகராஜ் கமலின் தீவிர ரசிகர். இத்திரைப்படத்தில் சூர்யா கெஸ்ட் ரோலில் நடித்து இருக்கின்றார். இப்படத்தை உதயநிதியின் ரெட் ஜெயண்ட் மூவிஸ் தயாரித்தது.
இந்நிலையில் படம் சென்ற ஜூன் 3-ம் தேதி வெளியாகி ரசிகர்களிடையே நல்ல வரவேற்பு பெற்றது. இத்திரைப்படம் முழுக்க முழுக்க லோகேஷ் கனகராஜ் படமாக இருக்கின்றது. கதாபாத்திரங்கள் தேர்வு, ஸ்கிரீன்பிளே, ஆக்சன் காட்சிகள் என அனைத்திலும் லோகேஷ் கனகராஜ் ஆதிக்கம் இருக்கின்றது. இத்திரைப்படம் சர்வதேச தரத்தில் இருப்பதாக பாராட்டுகள் குவிந்தது. லோகேஷ் ஒவ்வொரு கதாபாத்திரங்களையும் செதுக்கியிருப்பதாக அவருக்கு பாசிட்டிவான கமெண்ட்டுகள் குவிந்தது.
விக்ரம் திரைப்படம் வெற்றி பெற்றதால் கமல், லோகேஷ் கனகராஜுக்கு காரும் சூர்யாவுக்கு ரோலக்ஸ் கைக்கடிகாரத்தையும் படத்தில் உதவி இயக்குனர்களாக பணிபுரிந்தவர்களுக்கு பைக்குகளையும் கமல்ஹாசன் பரிசாக வழங்கினார். இந்தநிலையில் அந்த ரோலக்ஸ் வாட்ச் கமல் பல வருடங்களாக பயன்படுத்தி வந்ததாகவும் அவருக்கு மிகவும் பிடித்த வாட்ச் என செய்தி வந்தது. இந்த நிலையில் தற்போது கமல் அந்த ரோலக்ஸ் வாட்சை ஒரு திரைப்படத்தில் பயன்படுத்தி இருப்பதாக தெரிய வந்திருக்கின்றது. கமல் நடிப்பில் வெளியான மைக்கேல் மதன் காமராஜன் திரைப்படத்தில் அவர் ரோலக்ஸ் வாட்ச் பயன்படுத்தியதாக தகவல் வேகமாக பரவி வருகின்றது.