லோகேஷ் கனகராஜ் இயக்கத்தில் கமல் ஹாசன் நடித்திருக்கும் படம் விக்ரம். இந்த படத்தை கமல்ஹாசனின் ராஜ்கமல் பிலிம்ஸ் தயாரிக்கின்றது. இப்படம் ஜூன் மூன்றாம் தேதி திரையரங்குகளில் வெளியாக உள்ளது. இந்த படத்தில் விஜய் சேதுபதி, பகத் பாசில், அர்ஜுன் தாஸ், காளிதாஸ் ஜெயராம், நரேன் உள்ளிட்ட பல நடிகர்கள் நடித்துள்ளனர். இந்த படத்திற்கு அனிருத் இசையமைத்துள்ளார். கிரிஷ் கங்காதரன் ஒளிப்பதிவு செய்துள்ளார்.
இப்படத்தின் இறுதியில் ஓரிரு காட்சிகளில் மட்டும் நடிகர் சூர்யாவும், கார்த்தியும் நடித்துள்ளதாக தகவல் கிடைத்துள்ளது. கதைப்படி அவர்கள் வருவது முக்கியத்துவம் பெறும் என்கிறார்கள். இது ரசிகர்களுக்கு இன்ப அதிர்ச்சியாக இருக்கட்டும் என்பதால் இந்த தகவலை வெளியிடாமல் ரகசியமாக வைத்து இருப்பதாக கூறப்படுகின்றது.