தமிழகத்தில் ஏப்ரல் 6-ஆம் தேதி சட்டப்பேரவை தேர்தல் நடைபெற்றது. மக்களும் தங்களுடைய வாக்கினை செலுத்தினர். இதையடுத்து தேர்தல் வாக்குப் பதிவு முடிந்தததையடுத்து வாக்கு இயந்திரங்கள் சீல் வைக்கப்பட்டு பலத்த பாதுகாப்புடன் வாக்கு எண்ணும் மையங்களுக்கு அனுப்பி வைக்கப்பட்டுள்ளது. இதையடுத்து மே இரண்டாம் தேதி வாக்கு எண்ணிக்கை நடைபெற உள்ளது. இந்நிலையில் நேற்று பல்வேறு சேனல்களின் தேர்தலுக்கு பிந்தைய கருத்து கணிப்புகள் வெளியானது..
இந்நிலையில் கருத்துக்கணிப்பு என்ற பெயரில் வரும் கருத்து திணிப்புகளை நாம் ஒருபோதும் பொருட்படுத்த தேவையில்லை. இது போன்ற கருத்து கணிப்புகள் அரசியல் உள்நோக்கத்துடன் உருவாக்கப்படுவது. நாம் ஆற்றிய தேர்தல் பணிகள் தமிழ் தேசிய விடுதலை வரலாற்றில் பொன்னெழுத்துக்களால் பொறிக்கப்பட வேண்டியவை. நம்பிக்கையோடு இருங்கள் உறுதியாக நாம் வெல்வோம் என்று சீமான் கூறியுள்ளார்.