தண்ணீரில் மூழ்கி ஆசிரியர் உயிரிழந்த சம்பவம் சோகத்தை ஏற்படுத்தியுள்ளது.
திருச்சி மாவட்டத்தில் உள்ள முசிறி பகுதியில் ஆசிரியரான சரவணன் என்பவர் வசித்து வந்துள்ளார். இவர் தனது சகோதரரான உதயகுமார் என்பவருடன் முசிறி காவிரி ஆற்றில் குளிப்பதற்காக சென்றுள்ளார். இந்நிலையில் குளித்துவிட்டு கரைக்கு வந்த உதயகுமார் தனது தம்பி வெளியே வராததால் அதிர்ச்சி அடைந்து அவரை தேடி பார்த்துள்ளார். ஆனாலும் சரவணன் கிடைக்காததால் உதயகுமார் தீயணைப்பு துறையினருக்கு தகவல் தெரிவித்துள்ளார்.
அந்த தகவலின்படி சம்பவ இடத்திற்கு விரைந்து சென்ற தீயணைப்பு வீரர்கள் சுமார் 1 மணி நேர போராட்டத்திற்கு பிறகு சரவணனின் சடலத்தை மீட்டனர். அதன்பின் காவல்துறையினர் சரவணனின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.