தமிழகம் முழுதும் முன்னாள் முதலமைச்சர் காமராஜர் பிறந்தநாள் விழாவானது கல்வி வளர்ச்சி நாளாக கொண்டாடப்பட்டது. அந்த வகையில் திண்டுக்கல் மாவட்டத்திலுள்ள பள்ளிகளில் கல்வி வளர்ச்சி நாள் கொண்டாடப்பட்டது. வட மதுரை கலைமகள் மேல்நிலைப் பள்ளியில் நடைபெற்ற விழாவுக்கு பள்ளி தாளாளர் பெருமாள் தலைமை தாங்கினார். அத்துடன் இயக்குனர் அருள்மணி முன்னிலை வகித்தார். இதையடுத்து தலைமை ஆசிரியர் ராமு வரவேற்றார். அதன்பின் காமராஜர் உருவப்படத்திற்கு மாலை அணிவித்து மரியாதை செலுத்தப்பட்டது. இதற்கிடையில் விழாவை முன்னிட்டு மாணவ-மாணவிகளுக்கு பேச்சு, கட்டுரை போட்டிகள் நடத்தப்பட்டு அதில் வெற்றி பெற்றவர்களுக்கு பரிசுகள் வழங்கப்பட்டது. இதேபோன்று தங்கம்மாபட்டி சக்திசாய் மெட்ரிக் பள்ளியில் காமராஜர் பிறந்தநாளை முன்னிட்டு மாணவர்களுக்கு பேச்சு, கட்டுரை, கவிதை போட்டிகள் நடத்தப்பட்டது.
அதன்பின் போட்டிகளில் வெற்றியடைந்த மாணவர்களுக்கு பள்ளி முதல்வர் சாந்தி ஸ்ரீதரன் பரிசுகள் வழங்கினார். பழனி பகுதியிலுள்ள அரசு மற்றும் தனியார் பள்ளிகளில் காமராஜர்பிறந்தநாள் கொண்டாடப்பட்டது. இதில் பழனி நகராட்சி கடை வீதி பள்ளியில் காமராஜரின் உருவப் படத்திற்கு ஆசிரியர்கள், மாணவர்கள் மலர் தூவி மரியாதை செலுத்தினர். அதனை தொடர்ந்து மாணவர்களுக்கு பேச்சு, கட்டுரை போட்டிகள் நடத்தப்பட்டு, அவற்றில் வெற்றிபெற்றவர்களுக்கு பரிசுகள் வழங்கப்பட்டது. இதேபோன்று வட மதுரை விவேகானந்தா பள்ளி மாணவர்கள் காமராஜர் பிறந்தநாளை முன்னிட்டு சிறிய கற்களால் காமராஜரின் உருவப்படத்தை வரைந்திருந்தனர். அவ்வாறு கற்களால் வடிவமைக்கப்பட்ட காமராஜர் சிலை பலரையும் வெகுவாக கவர்ந்தது. அதுமட்டுமின்றி அரசியல் கட்சியினர் சார்பாகவும் காமராஜரின் உருவப்படத்திற்கு மலர்தூவி மரியாதை செய்யப்பட்டது.
அதேபோன்று கன்னிவாடி அரசு பெண்கள் மேல்நிலைப் பள்ளியில் பெற்றோர் ஆசிரியர்கழக தலைவர் ராஜசேகரன் தலைமையில் காமராஜர் பிறந்தநாள் விழா கொண்டாடப்பட்டது. இவற்றில் ஐ.பி. ரைசிங் அறக்கட்டளை தலைவர் இந்திரா துவாரநாதன் பங்கேற்று சிறப்புரையாற்றினார். அவர் பேசியதாவது, பெண் குழந்தைகளுக்கு கல்வி மிகஅவசியமான ஒன்றாகும். அதேபோன்று விளையாட்டிலும் பெண்கள் கவனம் செலுத்த வேண்டும் என்று கூறினார். இவ்விழாவில் ரெட்டியார் சத்திரம் ஒன்றியக்குழு தலைவர் சிவகுருசாமி, கன்னிவாடி பேரூராட்சி தலைவர் தனலட்சுமி, கன்னிவாடி முன்னாள் நகர தி.மு.க. செயலாளர் சண்முகம், பேரூராட்சி துணைத்தலைவர் கீதா மற்றும் பள்ளி தலைமை ஆசிரியர், ஆசிரிய-ஆசிரியைகள் உட்பட பலர் பங்கேற்றனர்.
பட்டிவீரன் பட்டி என்.எஸ்.வி.வி. மெட்ரிக் மேல்நிலைப் பள்ளியில் நடைபெற்ற விழாவிற்கு பள்ளி செயலாளர் கோபிநாத் தலைமை தாங்கினார். அப்போது விழாவை முன்னிட்டு நடத்தப்பட்ட பேச்சு, கட்டுரை போட்டிகளில் வெற்றியடைந்த மாணவ-மாணவிகளுக்கு அவர் பரிசுகளை வழங்கினார். இவற்றில் பள்ளி முதல்வர் ஆத்தியப்பன், ஆசிரிய-ஆசிரியைகள் உட்பட பலர் பங்கேற்றனர். பெரும்பாறை அருகில் கே.சி.பட்டியிலுள்ள ஊராட்சி ஒன்றிய தொடக்கப் பள்ளியில், பெற்றோர் ஆசிரியர் கழக தலைவர் ஜவஹர் தலைமையில் காமராஜர் பிறந்தநாள் விழா நடந்தது. இந்த விழாவில் பள்ளி மேலாண்மைகுழு தலைவர் மோகனப்பிரியா, தலைமை ஆசிரியர் பாலமுருகன், ஆசிரியை முருகேஸ்வரி மற்றும் மாணவ-மாணவிகள் பங்கேற்றனர்.