மோட்டார் சைக்கிள் மீது சரக்கு வேன் மோதிய விபத்தில் மெக்கானிக் உயிரிழந்த சம்பவம் சோகத்தை ஏற்படுத்தியுள்ளது.
புதுக்கோட்டை மாவட்டத்தில் உள்ள விளாப்பட்டி பகுதியில் சுப்பிரமணி(35) என்பவர் வசித்து வந்துள்ளார். இவர் மெக்கானிக் கடை நடத்தி வருகிறார். நேற்று முன்தினம் இடையபட்டியில் நடந்த கோவில் திருவிழா கலை நிகழ்ச்சியை பார்ப்பதற்காக சுப்பிரமணி மோட்டார் சைக்கிளில் சென்றுள்ளார். பின்னர் சுப்ரமணி மீண்டும் வீட்டிற்கு வந்து கொண்டிருந்தார். இந்நிலையில் இடையப்பட்டி தண்ணீர் தொட்டி என்ற பகுதியில் சென்று கொண்டிருந்த போது அவ்வழியாக வேகமாக வந்த சரக்கு வேன் மோட்டார் சைக்கிள் மீது பயங்கரமாக மோதியது.
இந்த விபத்தில் படுகாயமடைந்த சுப்பிரமணியை அக்கம் பக்கத்தினர் மீட்டு மருத்துவமனைக்கு சிகிச்சைக்காக கொண்டு சென்றனர். அங்கு அவரை பரிசோதித்து பார்த்த டாக்டர்கள் சுப்பிரமணி ஏற்கனவே இறந்து விட்டதாக கூறியுள்ளனர். இதுகுறித்து வழக்கு பதிந்த போலீசார் வேன் டிரைவர் சின்ராஜ் என்பவரை கைது செய்து விசாரணை மேற்கொண்டு வருகின்றனர்.