திருமணத்துக்கு தயாராக இருப்பதாகவும், காதலரை விரைவில் தெரிய படுத்துவேன் என நடிகை கங்கனா ரணாவத் தெரிவித்துள்ளார்.
சர்ச்சை நடிகை என்றாலே ரசிகர்களுக்கு சட்டென நினைவுக்கு வருவது கங்கனா ரணாவத். இந்திய அரசு சமீபத்தில் கங்கனாவுக்கு பத்மஸ்ரீ விருது அளித்து கௌரவித்தது. இந்நிலையில் தனக்கு விரைவில் திருமணம் நடக்க இருப்பதாக கங்கனா ரணாவத் அறிவித்துள்ளார். உங்கள் வாழ்க்கையில் மனம் கவர்ந்த ஆண் இருக்கிறாரா என கங்கனா ரணாவத்திடம் கேட்டபோது, ஆம் இருக்கிறார்.
அவரைப் பற்றி விரைவில் அனைவருக்கும் தெரியவரும் என குறிப்பிட்டார். வருகிற ஆண்டுகளில் நீங்கள் எப்படி இருக்க விரும்புகிறீர்கள் என்ற கேள்விக்கு விரைவில் திருமணம் செய்து கொள்ள இருப்பதாகவும் வரவிருக்கும் ஆண்டுகளில் குழந்தைகள் பெற்று ஒரு தாயாக தன்னை பார்க்க ஆசைப் படுவதாகவும் தெரிவித்தார்.