கல்லாநத்தம் கம்பபெருமாள் கிராமத்தில் கம்பபெருமாள், ராதா லட்சுமி திருக்கல்யாணம் சிறப்பாக நடைபெற்றது.
சேலம் மாவட்டத்தில் உள்ள கல்லாநத்தம் முட்டல் கிராமத்தில் பழம்பெரும் கம்ப பெருமாள் கோவில் இருக்கின்றது. இங்கே விநாயகர், மாரியம்மன், ராதா லட்சுமி ஆகிய சாமிகள் அருள் புரிந்து வருகின்றார்கள். இந்த கோவிலில் வருடந்தோறும் திருக்கல்யாண உற்சவம், தேர் திருவிழா உள்ளிட்டவையும் நடத்தப்பட்டு வருகின்றது. இந்நிலையில் நேற்று முன்தினம் கம்பப்பெருமாள், ராதா லட்சுமி திருக்கல்யாணம் மற்றும் தெப்பத் திருவிழா சிறப்பாக நடைபெற்றது.
கம்பப்பெருமாள், ராதா லட்சுமி பல்லக்கில் சுமந்து வரப்பட்டு அதன் பின்னர் ஏரியில் சாமி கல்யாணம் நடைபெற்றது. கல்யாணத்திற்கு பிறகு சாமிகள் கொண்டுவரப்பட்டு விசேஷ அபிஷேக பூஜைகள் நடைபெற்றது. மேலும் ஏராளமான பக்தர்களுக்கு பிரசாதம் வழங்கப்பட்டது. இந்நிகழ்வில் கல்லாநத்தம், முட்டல், செட்டில்மெண்ட், வைத்தியநாதபுரம் உள்ளிட்ட இடங்களில் இருந்து திரளான மக்கள் பங்கேற்று சாமி தரிசனம் செய்தார்கள்.