மத்திய மனிதவள மேம்பாட்டு அமைச்சகத்தின் கீழ் செயல்படும் தேசிய கல்வி நிறுவனத் தரவரிசை கட்டமைப்பு மாநில முழுவதும் சிறந்த கல்வி நிறுவனங்களின் தரவரிசை பட்டியலை வெளியிட்டுள்ளது. அதில் ஒட்டுமொத்த தரவரிசையில் சென்னை ஐஐடி கல்வி நிறுவனம் நான்காவது முறையாக முதலிடத்தை பிடித்துள்ளது.
அதனைப் போலவே பல்கலைக்கழகம், கல்லூரி, இன்ஜினியரிங், மேலாண்மை, மருத்துவம், பல் மருத்துவம், சட்டம்,கட்டிடம் மற்றும் ஆராய்ச்சி நிறுவனம் போன்ற பிரிவுகளிலும் சிறந்த கல்வி நிறுவனங்களின் தரவரிசை பட்டியல்கள் வெளியிடப்பட்டது. அந்த தரவரிசையில் தமிழ்நாடு 163 கல்வி நிறுவனங்களுடன் முதலிடத்தை பிடித்துள்ளது. இரண்டாவது இடத்தை 93 கல்வி நிறுவனங்களுடன் டெல்லியும் மூன்றாவது இடத்தை 88 கல்வி நிறுவனங்களுடன் மராட்டிய மாநிலமும் பிடித்துள்ளது