வேளாண்மை உற்பத்தியாளர்கள் கூட்டுறவு விற்பனை சங்க வளாகத்தில் நடைபெற்ற ஏலத்தில் 50 லட்சத்திற்கு பருத்தி விற்பனை செய்யப்பட்டுள்ளது.
நாமக்கல் மாவட்டத்தில் உள்ள வேளாண்மை உற்பத்தியாளர்கள் கூட்டுறவு விற்பனை சங்க வளாகத்தில் வழக்கம் போல பருத்தி ஏலம் நடைபெற்றுள்ளது. இந்த ஏலத்திற்கு நாமக்கல் மற்றும் அதன் சுற்றுவட்டார பகுதியில் இருந்து விவசாயிகள் என தாங்கள் விளைவித்த 1,500 பருத்தி மூட்டையை விற்பனைக்காக கொண்டு வந்துள்ளனர். இதனையடுத்து கோவை, திருப்பூர், அவிநாசி, சேலம், தேனி, கொங்கணாபுரம், திண்டுக்கல் என பல பகுதிகளில் இருந்து வியாபாரிகள் கலந்து கொண்டுள்ளனர்.
இந்நிலையில் சுரபி ரக பருத்தி குவிண்டால் ஒன்றுக்கு குறைந்தபட்ச விலையாக 10,269 ரூபாய்க்கும், அதிக பட்ச விலையாக 13,222 ரூபாய்க்கும், ஆர்.சி.எச். ரக பருத்தி குவிண்டால் ஒன்றுக்கு 9,869 ரூபாயில் இருந்து 11,869 ரூபாய்க்கும், கொட்டு ரக பருத்தி 4,099 ரூபாயில் இருந்து 7,700 ரூபாய் வரை ஏலம் விடப்பட்டது. அதன்படி மொத்தம் 46 லட்சத்திற்கு பருத்தி விற்பனை செய்யப்பட்டுள்ளது.
இதேபோல் திருச்செங்கோடு வேளாண்மை விற்பனையாளர்கள் கூட்டுறவு விற்பனை சங்கத்தில் நடைபெற்ற பருத்தி ஏலத்தில் பி.டி ரக பருத்தி குவிண்டால் ஒன்றுக்கு 9,479 ரூபாயில் இருந்து 10,662 ரூபாய்க்கும், சுரபி ரக பருத்தி 9,879 ரூபாயில் இருந்து 13,879 ரூபாய்க்கும் ஏலம் விடப்பட்டுள்ளது. இந்த ஏலத்தில் 150பருத்தி மூட்டைகள் ஏலம் விடப்பட்ட நிலையில் மொத்தம் 4 லட்சத்திற்கு விற்பனை செய்யப்பட்டது.