விருதுநகர் மாவட்டம் ஸ்ரீவில்லிபுத்தூரில் நடிகை கௌதமி கழுத்தில் மாலையை கையில் கிளியுடன் எடுத்துக்கொண்ட புகைப்படம் வைரலாகி வருகிறது.
தமிழகத்தில் பொங்கல் பண்டிகை நெருங்கி விட்டது. தமிழர் திருநாளாம் பொங்கல் திருநாளை மக்கள் அனைவரும் மிகுந்த உற்சாகத்துடன் கொண்டாடி மகிழ்வர். இதற்கு மத்தியில் பல்வேறு அரசியல் பிரபலங்களும் பல மாவட்டங்களில் பொங்கல் வைத்து வருகிறார்கள். இந்நிலையில் மதுரை மாவட்டத்தில் பாஜக சார்பாக நேற்று நடிகை குஷ்பூ பொங்கல் விழா நடத்தினார்.
இதனையடுத்து விருதுநகர் மாவட்டம் ஸ்ரீவில்லிபுத்தூரில் பாஜக சார்பாக நடைபெற்ற பொங்கல் விழாவில் நடிகை கௌதமி கலந்து கொண்டார். அதன்பிறகு ஸ்ரீவில்லிபுத்தூர் ஆண்டாள் கோவிலில் தரிசனம் செய்த கௌதமி, கழுத்தில் மாலை கையில் கிளியுடன் எடுத்துக்கொண்ட புகைப்படம் சமூக வலைதளங்களில் வைரல் ஆகி வருகிறது.