காங்கிரஸ் கட்சி தலைவர் பதவிக்கு தேர்தல் அறிவிக்கப்பட்டிருக்கிறது. தலைவர் பதவிக்கான தேர்தல் அக்டோபர் 17ஆம் தேதி நடைபெற இருக்கிறது. தேர்தலில் போட்டியிட விரும்பும் வேட்பாளர்கள் வரும் 24ம் தேதி முதல் 30-ம் தேதி வரை தங்கள் வேட்பு மனுக்களை தாக்கல் செய்து கொள்ளலாம். இதற்கு இடையே தலைவர் பதவிக்கு போட்டியிடுபவர்கள் யார் என்பதில் காங்கிரஸ் கட்சியினர் மத்தியில் தொடர்ந்து குழப்பமான சூழ்நிலை நிலவி வருகிறது. அதிலும் குறிப்பாக சசிதரூர் திக் விஜயசிங் அசோக் கெலாட் உள்ளிட்ட மூத்த தலைவர்கள் காங்கிரஸ் தலைவர் பதவிக்கு போட்டியிடலாம் என எதிர்பார்க்கப்படுகின்றது காங்கிரஸ் கட்சியின் மூத்த தலைவர் திக் விஜய் சிங் ஜபல்பூரில் நடைபெற்ற செய்தியாளர்கள் சந்திப்பில் பேசியபோது, கட்சியின் தலைமை கொடுத்து அறிவுறுத்தலை நான் பின்பற்றுவேன்.
காந்தி குடும்பத்தை சேர்ந்த யாரும் அடுத்த கட்சி தலைவராக வரமாட்டார்கள் என ராகுல் காந்தி தெளிவுபடுத்தி இருக்கிறார். மேலும் காங்கிரஸ் கட்சி தலைவர் பதவிக்கான போட்டியில் நான் இல்லை என அவர் கூறியுள்ளார். இதற்கிடையே ஹரியானா காங்கிரஸ் தலைவர் பூபிந்தர் ஹூடா டெல்லியில் காங்கிரஸ் இடைக்கால தலைவர் சோனியா காந்தியை சந்தித்து பேசி உள்ளார். அதனால் காங்கிரஸ் கட்சியின் தலைவர் பதவிக்கு பூபிந்தர் ஹூடா போட்டியிடுவார் என தெரிகின்றது. மேலும் காங்கிரஸ் கட்சியின் தலைவர் பதவிக்கு முன்னால் மத்திய மந்திரி மனிஷ் திவாரியும் போட்டியிடுகிறார் என்ற தகவலும் வெளியாகி வருகிறது இருப்பினும் கட்சி தலைவர் பதவிக்கு அசோக் கெலாட்மற்றும் சசி தரூர் போன்ற இடையே கடுமையான போட்டி நிலவுகிறது.