காங்கிரஸ் யூடியூப் சேனல் நேற்று திடீரென்று நீக்கப்பட்டது. ஆனால் இதற்குரிய காரணம் இதுவரையிலும் தெரியவில்லை எனவும் தொழில்நுட்பக் கோளாறு (அல்லது) நாசவேலை காரணமா என விசாரணை மேற்கொண்டு வருகிறோம் எனவும் காங்கிரஸ் தரப்பில் தெரிவிக்கப்பட்டு இருக்கிறது. இவ்வாறு காங்கிரஸின் யூடியூப் சேனல் நீக்கப்பட்டது அக்கட்சிக்குள் பெரும் பரரபரப்பை ஏற்படுத்தி உள்ளது.
இது தொடர்பாக காங்கிரஸ் கட்சி அதிகாரப்பூர்வ டுவிட்டர் பக்க பதிவில் “இந்திய தேசிய காங்கிரஸ் எனும் தங்களது யூடியூப் சேனல் நீக்கப்பட்டு இருக்கிறது. நாங்களும் அதனை சரி செய்து வருகிறோம். அத்துடன் கூகுள் மற்றும் யூடியூப் குழுக்களுடன் தொடர்பில் இருக்கிறோம். இதற்குரிய காரணம் தொழில்நுட்பக் கோளாறா (அல்லது) நாசவேலையா என்பது பற்றி நாங்கள் தொடர் விசாரணை மேற்கொண்டு வருகிறோம். ஆகவே விரைவில் திரும்பி வருவோம்” என நம்புகிறோம் என தெரிவித்துள்ளது.