மகாராஷ்டிராவில் அனல் மின் நிலைய தொழிலாளி ஒருவர் புலி தாக்கி உயிரிழந்துள்ள சம்பவம் சோகத்தை ஏற்படுத்தியுள்ளது.
மகாராஷ்டிராவில் சந்திராபூர் பகுதியில் சூப்பர் அனல் மின் நிலையம் உள்ளது. இதில் ஒப்பந்தத்தின் அடிப்படையில் வேலை செய்யும் 59 வயது தொழிலாளி ஒருவர் உயிரிழந்துள்ளதாக அனல் மின் நிலையத்தின் அதிகாரி தெரிவித்துள்ளார். மேலும் சமீப காலங்களில் இங்குள்ள அனல் மின் நிலையத்திற்கு அருகிலுள்ள காட்டில் மூன்று முதல் நான்கு புலிகள் மற்றும் சில சிறுத்தைகள், கரடிகள் சுற்றி திரிவதாக ஆதாரங்கள் தெரிவிக்கின்றன. இதையடுத்து உயிரிழந்த போஜ்ராஜ் மேஷ்ராம் வேலை முடிந்து திரும்பிக் கொண்டிருந்துள்ளார்.
அப்போது புலி அவரை தாக்கி காட்டுக்குள் இழுத்துச் சென்றதாக எல்லை வன அதிகாரி ராகுல் கிரேக்கர் தெரிவித்துள்ளார். இதை அறிந்த வனத்துறையினர் சம்பவ இடத்திற்கு விரைந்து வந்தனர். இதற்குப் பின் அவரது உடல் பிரேத பரிசோதனைக்காக அரசு மருத்துவமனைக்கு அனுப்பி வைக்கப்பட்டுள்ளது. மேலும் பாதிக்கப்பட்ட குடும்பத்திற்கு(ரூ.15 லட்சத்தில்) ரூ.20,௦௦௦ ஆரம்ப இழப்பீடு வழங்கபட்டுள்ளது. மீதமுள்ள இழப்பீட்டுத் தொகையை உரிய நடைமுறைகள் முடிந்த பிறகு வழங்கப்படும் என்றுள்ளனர்.