தமிழகத்தில் கடந்த ஏப்ரல் 6-ஆம் தேதி நடந்து முடிந்த சட்டப்பேரவைத் தேர்தலில் பதிவான வாக்குகளை எண்ணும் பணி காலை 8 மணிக்கு தொடங்கியது. தமிழகம் முழுவதும் சுமார் 75 மையங்களில் 3 அடுக்கு போலீஸ் பாதுகாப்பு போடப்பட்டுள்ளது. முன்னனி நிலவரங்கள் பிற்பகலுக்குள், வெற்றி நிலவரங்கள் மாலைக்குள் தெரியவரும். ஒவ்வொரு தொகுதிக்கும் நான்கு முதல் ஐந்து சுற்று வரை வாக்கு எண்ணிக்கை நடைபெற உள்ளது.
அதில் முதல் கட்டமாக தபால் வாக்கு எண்ணிக்கை தொடங்கியது. அதன் முன்னிலை விவரங்கள் வெளியிடப்பட்டு வருகின்றன. அந்தவகையில் காட்பாடியில் திமுக பொதுச்செயலாளர் துரைமுருகன் பின்னடைவை சந்தித்து உள்ளார் என்று மிக முக்கியமான அறிவிப்பு வெளியாகியுள்ளது. வானூர் தொகுதி திமுக வேட்பாளர் வன்னியரசு முன்னிலை பெற்றுள்ளார். ஜெயங்கொண்டம் தொகுதியில் பாமக வேட்பாளர் முன்னிலை பெற்றுள்ளார். கம்பம் தொகுதியில் திமுக, முதுகுளத்தூர் தொகுதியில் திமுக முன்னிலை பெற்றுள்ளது.