50 லட்சம் ரோஜா மலர்கள் வெளிநாடுகளுக்கு ஏற்றுமதி செய்யப்படுவதால் விவசாயிகள் மகிழ்ச்சியில் உள்ளனர்.
கிருஷ்ணகிரி மாவட்டத்தில் உள்ள ஓசூர் மற்றும் அதனை சுற்றியுள்ள தளி, கெலமங்கலம், பாகலூர் ஆகிய பகுதிகளில் சுமார் 3 ஆயிரம் ஏக்கர் பரப்பளவில் ரோஜா மலர்கள் சாகுபடி செய்யப்படுகிறது. இங்கு தாஜ்மஹால், ஸ்வீட் அவலன்ச், கோல்ட் ஸ்டிரைக், சாவரின் பஸ்ட் ரெட் உள்ளிட்ட 20-க்கும் மேற்பட்ட ரோஜா மலர்கள் உற்பத்தி செய்யப்படுகிறது. இந்நிலையில் காதலர் தின விழா கொண்டாட்டத்தை முன்னிட்டு ஓசூரில் இருந்து துபாய், வளைகுடா நாடுகள் மற்றும் தெற்காசிய நாடுகளுக்கு 50 லட்சம் ரோஜா பூக்களை ஏற்றுமதி செய்ய திட்டமிட்டுள்ளதாக விவசாயிகள் தெரிவித்துள்ளனர்.
இதனையடுத்து தரம் வாய்ந்த உயர்ரக ஒரு ரோஜா மலர் 15 முதல் 20 ரூபாய் வரை விற்பனை செய்யப்படுகிறது. மேலும் 15 ரோஜா மலர்கள் கொண்ட ஒரு கட்டு 400 ரூபாய் வரை விற்பனை செய்யப்படுவதால் அதிக லாபம் கிடைக்கிறது. இதனால் விவசாயிகள் மிகவும் மகிழ்ச்சியில் உள்ளனர்.