காதலால் நடந்த கொலையா….? சிறுவனுக்கு நடந்த கொடூரம்…. சென்னையில் பயங்கர சம்பவம்…!!

மர்ம நபர்கள் சிறுவனை ஓட ஓட விரட்டி வெட்டி கொலை செய்த சம்பவம் பரபரப்பை ஏற்படுத்தியுள்ளது.

சென்னை மாவட்டத்திலுள்ள தண்டையார்பேட்டை திலகர் நகர் சுனாமி குடியிருப்பு பகுதியில் 17 வயதுடைய சீனிவாசன் என்பவர் வசித்து வந்துள்ளார். இந்த சிறுவன் தண்டையார்பேட்டை வைத்தியநாதன் மேம்பாலம் அருகே ஷேர் ஆட்டோவில் சென்று கொண்டிருந்தான். அப்போது மோட்டார் சைக்கிளில் வந்த 5 மர்ம நபர்கள் ஷேர் ஆட்டோவை வழிமறித்து சீனிவாசனை கீழே இறக்கினர். அதன்பிறகு மர்ம நபர்கள் சீனிவாசனை மோட்டார் சைக்கிளில் ஏற்றி புதுவண்ணாரப்பேட்டை மாதா கோவில் தெருவில் சென்று கொண்டிருந்தனர். அவர்களிடமிருந்து தப்பிப்பதற்காக சீனிவாசன் மோட்டார் சைக்கிளில் இருந்து கீழே குதித்து ஓடியுள்ளான். ஆனாலும் மர்மநபர்கள் விடாமல் சீனிவாசனை ஓட ஓட விரட்டி கத்தியால் குத்தி விட்டு அங்கிருந்து தப்பி சென்றனர்.

இதில் படுகாயமடைந்த சீனிவாசன் சம்பவ இடத்திலேயே பரிதாபமாக உயிரிழந்துவிட்டார். இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று சீனிவாசனின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். இதுகுறித்து வழக்குப்பதிவு செய்த காவல்துறையினர் நடத்திய விசாரணையில், தனது காதலியை கேலி செய்ததால் பசுபதி என்பவரை சீனிவாசன் தனது நண்பர்களுடன் சேர்ந்து அரிவாளால் வெட்டியுள்ளார். இதனால் கோபமடைந்த பசுபதியின் உறவினர்கள் சீனிவாசனை வெட்டி கொலை செய்தது தெரியவந்துள்ளது.