காதலிப்பதாக ஆசை வார்த்தைகள் கூறி சிறுமியை கடத்தி சென்ற வாலிபர் போக்சோ சட்டத்தின் கீழ் கைது செய்யப்பட்டார்.
திருநெல்வேலி மாவட்டத்தில் உள்ள மணிமுத்தாண்குளம் அய்யா கோவில் தெருவில் முத்து ஜவகர்(27) என்பவர் வசித்து வருகிறார். இவர் கூலி வேலை பார்த்து வந்துள்ளார். இந்நிலையில் முத்து அதே பகுதியில் வசிக்கும் ஒரு சிறுமியிடம் காதலிப்பதாக ஆசை வார்த்தைகள் கூறி ஏமாற்றி கடத்திச் சென்றார். இதுகுறித்து அறிந்த சிறுமியின் பெற்றோர் பத்தமடை காவல் நிலையத்தில் புகார் அளித்தனர். அந்த புகாரின் பேரில் வழக்குபதிவு செய்த போலீசார் போக்சோ சட்டத்தின் கீழ் முத்துவை கைது செய்தனர். மேலும் மாணவியை மீட்டு அவரது பெற்றோரிடம் ஒப்படைத்தனர்.