இங்கிலாந்து நாட்டில் உள்ள பர்மிங்ஹாமில் காமன்வெல்த் போட்டிகள் நடைபெற்றுக் கொண்டிருக்கிறது. இந்த போட்டியில் மொத்தம் 77 நாடுகள் பங்கேற்றுள்ளது. இதில் இந்தியா இன்று பங்கேற்க இருக்கும் போட்டிகள் குறித்த விவரங்களை பார்க்கலாம். அதன்படி டேபிள் டென்னிஸ் ஆண்கள் அரை இறுதி சுற்று இன்று இரவு 11:30 மணியளவில் நடைபெற இருக்கிறது. அதன் பிறகு ஜூடோ போட்டியில் 57 கிலோ எடை பிரிவில் சுகிலா டாரியலும், 48 கிலோ எடை பிரிவில் சுசிலா லிங்கபமும், 66 கிலோ எடை பிரிவில் ஜஸ்லீன் சிங் சைனியும், 60 கிலோ எடை பிரிவில் விஜயகுமார் யாதவ்ம் பங்கேற்கின்றனர்.
இதனையடுத்து ஹாக்கியில் இந்திய அணி இங்கிலாந்துடன் இரவு 8:30 மணி அளவிலும், குத்துச்சண்டை போட்டியில் 2-வது சுற்றில் 51 கிலோ எடை பிரிவில் அமித் பங்கள், நம்ரி பெரியுடனும், 57 கிலோ எடை பிரிவில் முகமது ஹூசாமுதீன், சலீம் ஹூசைனுடனும், 75 கிலோ எடை பிரிவில் சுமித் குண்டு மோதும் போட்டியும் நடைபெற இருக்கிறது. மேலும் பேட்மிட்டனில் கலப்பு ஆண்கள் பிரிவுடன் இந்தியா சிங்கப்பூருடனும் மோதுகிறது.