திண்டுக்கல் அருகே கட்டுப்பாட்டை இழந்து கார் விபத்துக்குள்ளானதில் பூ வியாபாரி பலியான சம்பவம் சோகத்தை ஏற்படுத்தியுள்ளது.
சிவகங்கை மாவட்டத்தில் உள்ள மானாமதுரையில் பாண்டி என்பவர் வசித்து வருகிறார். இவர் பூ வியாபாரம் செய்து வந்தார். இந்நிலையில் சம்பவத்தன்று பாண்டி திருப்பூருக்கு மானாமதுரையில் இருந்து காரில் சென்றுள்ளார். வன்னீஸ்வரன் என்பவர் காரை ஓட்டியுள்ளார். கார் கொடைரோடு அருகே சென்று கொண்டிருந்தபோது எதிர்பாராதவிதமாக காரின் பின்பக்க டயர் வெடித்தது. இதனால் கார் டிரைவரின் கட்டுப்பாட்டை இழந்து சாலையில் தாறுமாறாக ஓடியுள்ளது. இதையடுத்து சாலையோரம் இருந்த பள்ளத்தில் கார் தலைகுப்புற கவிழ்ந்து உள்ளது. இந்த விபத்தில் பாண்டி பலத்த காயமடைந்து சம்பவ இடத்திலேயே பரிதாபமாக இறந்து விட்டார்.
காரை ஓட்டி வந்த வன்னீஸ்வரன் மற்றும் பாண்டியனின் உறவினர்களான ராஜம்மாள், பாலகிருஷ்ணன் ஆகிய 3 பேருக்கும் மோசமாக காயங்கள் ஏற்பட்டது. இந்த சம்பவம் குறித்து தகவலறிந்து வந்த அம்மையநாயக்கனூர் காவல்துறையினர் காயமடைந்த 3 பேரையும் திண்டுக்கல் அரசு மருத்துவமனைக்கு சிகிச்சைக்காக அனுப்பி வைத்தனர். மேலும் விபத்தில் இறந்த பாண்டியனின் உடலை கைப்பற்றி திண்டுக்கல் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இந்த சம்பவம் குறித்து காவல்துறையினர் வழக்குப்பதிந்து விசாரணை மேற்கொண்டு வருகின்றனர்.