பேருந்து மீது கார் மோதி விபத்தில் பயணிகள் காயமடைந்த சம்பவம் பரபரப்பை ஏற்படுத்தியுள்ளது.
சிவகங்கை மாவட்டத்தில் உள்ள காரைக்குடி பேருந்து நிலையத்தில் இருந்து கும்மங்குடி பேருந்து நிலையத்திற்கு பயணிகளுடன் தனியார் பேருந்து ஒன்று வந்துள்ளது. அப்போது அவ்வழியாக வந்த கார் நிலைதடுமாறி பேருந்தின் மீது பலமாக மோதியுள்ளது. இந்த விபத்தில் பேருந்தில் பயணித்த பயணிகள் காயமடைந்துள்ளனர். இதுகுறித்து தகவலறிந்த காவல்துறையினர் சம்பவ இடத்திற்கு விரைந்து சென்று காயமடைந்தவர்களை மீட்டு சிகிச்சைக்காக அரசு மருத்துவமனைக்கு அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.