ஆம்னி கார் மீது லாரி மோதி 2 குழந்தைகள் உயிரிழந்த சம்பவம் பெரும் சோகத்தை ஏற்படுத்தியுள்ளது.
கோவை மாவட்டம் க.க சாவடி அருகே கேரளாவிலிருந்து ஆம்னி கார் ஒன்று வந்துகொண்டிருந்தது. அப்போது திடீரென டிரைவரின் கட்டுப்பாட்டை இழந்து சாலையின் எதிரே வந்த லாரி மீது மோதி விபத்துக்குள்ளானது. இந்த பயங்கர விபத்தில் ஆம்னி காரில் இருந்த இரண்டு குழந்தைகள் சம்பவ இடத்திலேயே உயிரிழந்தனர். இது குறித்து அறிந்த போலீசார் சம்பவ இடத்திற்கு விரைந்து வந்து ஆம்னி காரில் சிக்கியவர்களை மீட்டு உடனடியாக மருத்துவமனையில் அனுமதித்தனர். இந்த விபத்து குறித்து போலீஸ் தரப்பில் கூறும்போது, கேரள மாநிலத்தில் இருந்து வந்த ஆம்னி கார் விபத்துக்குள்ளானது. இரண்டு குழந்தைகள் உயிரிழந்துள்ளனர். மேலும் 7 பேர் படுகாயங்களுடன் மருத்துவமனையில் சிகிச்சை பெற்று வருகின்றனர். தற்போது இந்த விபத்து குறித்து வழக்குப்பதிவு செய்து விசாரணை நடத்தி வருகிறோம் என கூறியுள்ளார்.