காஷ்மீரில் இருந்து கன்னியாகுமரி வரை ஒரு பெண் மோட்டார் சைக்கிளில் வந்து கொரோனா தடுப்பூசி குறித்த விழிப்புணர்வை ஏற்படுத்தியுள்ளார்.
பஞ்சாப் மாநிலத்தைச் சேர்ந்த அம்பிகா சோனி என்பவர் அனைவரும் கொரோனா தடுப்பூசி செலுத்த வேண்டும் என்பதை வலியுறுத்தி இருசக்கர வாகனத்தில் விழிப்புணர்வு பயணம் மேற்கொண்டு வருகின்றார். இந்நிலையில் அம்பிகா சோனி கடந்த 12-ஆம் தேதி காஷ்மீரிலிருந்து கன்னியாகுமரி வரை மோட்டார் சைக்கிளில் விழிப்புணர்வு பயணம் மேற்கொண்டுள்ளார்.
இதனையடுத்து கன்னியாகுமரி சப் இன்ஸ்பெக்டர் ரவிச்சந்திரன் தலைமையில் காவல்துறையினர் அம்பிகா சோனியை வரவேற்றனர். அதன் பின் கன்னியாகுமரியில் இருந்து புறப்பட்டு அடுத்த மாதம் 5-ஆம் தேதி தனது பயணத்தை காஷ்மீரில் முடித்துக்கொள்ள போவதாக அம்பிகா சோனி தெரிவித்துள்ளார்.