நடப்பு ஆண்டு கோவா திரைப்பட விழாவில் திரையிட தேர்வாகியுள்ள 3 திரைப்படங்களில் ஒன்றுதான் கிடா. இத்தேர்வுக்கு பிறகு தான் இந்த படத்தின் பக்கம் சினிமாவின் கவனம் திரும்பியிருக்கிறது. ஶ்ரீ ஸ்ரவந்தி மூவீஸ் நிறுவனம் சார்பாக ஸ்ரவந்தி ரவி கிஷோர், கிருஷ்ண சைத்தன்யா போன்றோர் இப்படத்தை தயாரித்து இருக்கின்றனர். இந்த படத்தை கிருமி, ரெக்க திரைப்படங்களில் உதவி இயக்குநராக பணியாற்றிய ரா.வெங்கட் இயக்கி இருக்கிறார். எம்.ஜெய பிரகாஷ் ஒளிப்பதிவு செய்ய, தீசன் இசை அமைத்துள்ளார். பூ ராமு, காளிவெங்கட், மாஸ்டர் தீபன், பாண்டியம்மா, லோகி, கமலி உட்பட பலர் நடித்து உள்ளனர்.
மதுரை அருகிலுள்ள கிராமத்தில் வாழும் ஒரு சிறுவனுக்கும், அவனது தாத்தாவுக்கும் உள்ள உறவுப் பிணைப்பை கூறும் படமாக இத்திரைப்படம் உருவாகி இருக்கிறது. மேலும் வீட்டில் வளரும் ஒரு கிடாய்க்கும் அந்த குடும்பத்துக்கும் இருக்கும் பிணைப்பையும் கூறும் படம். தமிழர்களின் வாழ்வியலை அச்சுஅசலாக திரையில் வடிக்கும், ஒரு மாறுபட்ட காவியம் ஆக இந்த படம் உருவாகியுள்ளது. அதாவது புதுமுகங்களின் முயற்சியில் உருவாகியுள்ளது. இக்கதையின் வழியே ஒரு அழகான, எளிமையான காதலும் உள்ளது என்று இயக்குனர் வெங்கட் கூறினார்.