ஆயுதங்களுடன் சுற்றித்திரிந்த 4 பேரை காவல்துறையினர் கைது செய்துள்ளனர்.
சிவகங்கை மாவட்டத்தில் உள்ள மருதுபாண்டியர் நகரில் சில வாலிபர்கள் ஆயுதங்களுடன் சுற்றி திரிவதாக பொதுமக்கள் காவல்துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற காவல்துறையினர் அப்பகுதியில் சுற்றித்திரிந்த வாலிபர்களை அழைத்து விசாரணை செய்துள்ளனர்.
அந்த விசாரணையில் சட்டவிரோதமாக விஜய், பிரபாகரன், ஆனந்த், பாலா என்பவர்கள் ஆயுதங்களை வைத்திருப்பது தெரியவந்துள்ளது. இதனையடுத்து காவல்துறையினர் 4 பேரையும் கைது செய்துள்ளனர். மேலும் இதுகுறித்து வழக்குப்பதிவு செய்த காவல்துறையினர் அவர்களிடம் இருந்த ஆயுதங்களை பறிமுதல் செய்து தீவிர விசாரணை செய்து வருகின்றனர்.