வனவிலங்குகளை வேட்டையாட முயன்ற 3 பேரை காவல்துறையினர் கைது செய்துள்ளனர்.
திண்டுக்கல் மாவட்டத்திலுள்ள மேல்பள்ளம் வனப்பகுதியில் சிலர் வனவிலங்குகளை வேட்டையாட முயற்சி செய்வதாக வனத்துறையினருக்கு தகவல் கிடைத்துள்ளது. அந்த தகவலின்படி வனவர் விவேகானந்தன், வனச்சரகர் குமரேசன் தலைமையிலான குழுவினர் அப்பகுதியில் இருக்கும் தனியார் தோட்டத்தில் தீவிரமாக ரோந்து பணியில் ஈடுபட்டுள்ளனர்.
இந்நிலையில் அங்கு நாட்டு துப்பாக்கியுடன் நின்று கொண்டிருந்த முருகேசன், நாட்ராயன், தினேஷ்பாபு ஆகிய 3 பேரை வனத்துறையினர் கைது செய்துள்ளனர். மேலும் அவர்களிடம் இருந்த 2 நாட்டு துப்பாக்கிகள் மற்றும் தோட்டாக்களை பறிமுதல் செய்துள்ளனர். இதுகுறித்து வனத்துறையினர் விசாரணை மேற்கொண்டு வருகின்றனர்.