கஞ்சா கடத்தி சென்ற 2 பேரை போலீசார் அதிரடியாக கைது செய்தனர்.
கன்னியாகுமரி மாவட்டத்தில் உள்ள ஆலங்கோடு பகுதியில் சட்டவிரோதமாக கஞ்சா விற்பனை நடைபெறுவதாக போலீசாருக்கு ரகசிய தகவல் கிடைத்தது. அந்த தகவலின் படி போலீசார் ஆலங்கோடு புளியமூடு சந்திப்பு பகுதியில் தீவிர வாகன சோதனையில் ஈடுபட்டுள்ளனர். அப்போது மோட்டார் சைக்கிளில் வந்த இரண்டு வாலிபர்களை போலீசார் நிறுத்தி சோதனை செய்தபோது ஒரு அவர்களிடம் 1 கிலோ 100 கிராம் கஞ்சா இருந்தது கண்டுபிடிக்கப்பட்டது.
பின்னர் போலீசார் நடத்திய விசாரணையில், அவர்கள் ஆலங்கோடு பகுதியை சேர்ந்த ஆன்றோபிரன்ஸ் மற்றும் அபினேஷ் என்பது தெரியவந்தது. இருவரும் கஞ்சா விற்பனை செய்து வந்துள்ளனர். இதுகுறித்து வழக்குபதிவு செய்த போலீசார் 2 வாலிபர்களையும் கைது செய்தனர். மேலும் அவர்களிடமிருந்த கஞ்சா, 9 செல்போன்கள், பேக்கிங் கவர், எடை மெஷின், மோட்டார் சைக்கிள் ஆகியவற்றை பறிமுதல் செய்து விசாரித்து வருகின்றனர்.