சென்னை மீனம்பாக்கம் பன்னாட்டு விமான நிலையத்துக்கு வெளிநாடுகளில் இருந்து வரும் விமானங்களில் பெரு அளவில் தங்கம் கடத்தி வரப்படுவதாக விமான நிலைய சுங்க இலகா முதன்மை கமிஷனர் உதயபாஸ்கருக்கு ரகசிய தகவல் கிடைத்தது. இதனையடுத்து சுங்க இலாகா அதிகாரிகள் விமான பயணிகளை தீவிரமாக கண்காணித்தனர். அப்போது வங்காளதேச நாட்டின் தலைநகர் டாக்காவில் இருந்து சென்னை வந்த விமானத்தில் பயணம் செய்த பயணிகள் அனைவரும் கீழே இறங்கி சென்று விட்டனர். அதன் பிறகு சுங்க இழக்கா அதிகாரிகள் விமானத்துக்குள் சென்று ஒவ்வொரு இருக்கையாக சோதனை செய்தனர்.
அப்போது விமானத்தின் பயணிகள் அமரும் இருக்கையின் அடியில் கருப்பு டேப் சுற்றப்பட்ட நிலையில் ஒரு பார்சல் கேட்பாரற்று இருந்தது. அந்த பார்சலை திறந்து பார்த்தபோது அதில் ஒரு தங்க கட்டி இருந்தது. ரூ.64,92,000 மதிப்புள்ள 1 கிலோ 300 கிராம் எடை கொண்ட தங்கக்கட்டியை சுங்க இலாகா அதிகாரிகள் பறிமுதல் செய்தனர். எனவே இந்த தங்க கட்டியை மறைத்து வைத்து சென்றவர் யார் என்று? சுங்க இலாகா அதிகாரிகள் விசாரணை நடத்தி வருகின்றனர்.