புள்ளிமான் கிணற்றில் தவறி விழுந்து உயிரிழந்த சம்பவம் சோகத்தை ஏற்படுத்தியுள்ளது.
சேலம் மாவட்டத்திலுள்ள காட்டுக்கொட்டாய் துர்க்கை அம்மன் கோவில் அருகே சரிதா என்பவர் வசித்து வருகிறார். இவரது விவசாய தோட்டத்திற்குள் நேற்று முன்தினம் இரவு 8 மணிக்கு ஆண் புள்ளிமான் ஒன்று சென்றுள்ளது. அப்போது எதிர்பாராதவிதமாக மான் கிணற்றில் தவறி விழுந்து இறந்துவிட்டது. நேற்று காலை புள்ளிமான் இறந்து கிடப்பதை பார்த்து அதிர்ச்சியடைந்த சரிதா உடனடியாக தீயணைப்பு துறையினருக்கு தகவல் தெரிவித்தார். அதன்படி சம்பவ இடத்திற்கு விரைந்து சென்ற தீயணைப்பு வீரர்கள் புள்ளிமானின் உடலை மீட்டனர். அதன் பிறகு வனத்துறையினர் புள்ளிமானின் உடலை பிரேத பரிசோதனை செய்து காட்டுப்பகுதியில் புதைத்தனர்.